想奇迹捧盃唔贏唔得 紅軍炒「紐」謝幕

猪拉多纳

波係圓嘅！足球比賽千變萬化，未到最後一刻都唔知鹿死誰手，今晚英超煞科戰，利物浦如果想奇迹捧盃，除咗要望曼城輸波外，亦要自己爭氣拎晒3分，今晚佢哋喺晏菲路迎戰紐卡素，就算明知機會唔大， 相信都會全力以赴，「-2」照撐2.05倍「讓球主勝」！

利物浦上場作客水晶宮離奇失分，賽後蘇亞雷斯流下男兒淚，神奇隊長謝拉特扶起佢並示意攝影師唔好影嘅一幕，令到唔係利迷嘅小妹都想喊埋一份呀！
喪攻突破百球大關

不過「失敗乃成功之母」，想成功就一定要先輸得起，今季紅軍展現出嘅鋒力就好有霸氣，聯賽暫時有99球進帳，肯定開盡火力喪攻突破百球大關，加上為報答主場球迷全季落力支持，今晚點都要贏得好好睇睇收尾！

另邊廂嘅紐卡素，雖然上場大炒卡迪夫城3粒，但球隊近況認真不濟，早前聯賽6連敗，創下自1986至87球季後最長連敗紀錄，當中仲有5場交白卷，有傳聞就話領隊柏杜會被炒魷，更傳球隊可能搵莫耶斯接手添，「喜鵲」球迷真係唔知開心定唔開心好喇，就算紐記今晚受讓兩球都唔睇好，撐讓球主客和「主勝」！