金獅福將贏首場新馬賽

猪拉多纳

尋日上演今季首場新馬賽，結果由「金獅福將」同「牛精叻仔」兩匹上年12月份拍賣嘅ISG包辦連贏位，霍利時亦憑「金獅福將」贏馬，順利湊夠15W達標。
       
金獅福將（右）與牛精叻仔兩匹拍賣馬構成今季首場新馬賽Q。

「金獅」系向來係霍廐忠實支持者，呢系馬亦秉承一貫逢出必拚作風，據馬主香港木球會團體成員陳正欣表示，「金獅福將」係補替已退役嘅「金獅威將」，咁啱兩匹馬都係一出即勝。對於「金獅福將」呢匹接棒新馬，雖然本身細細粒，不過走勢相當兇悍，即使試閘起步仲有些少脾氣，不過正式上陣就相當順利，如今一出就贏，一眾團體成員亦非常高興。尋日第九場跑九龍木球會百週年紀念盃，佢哋香港木球會團體旗下馬先拔頭籌，以頭胡為鄰會贈興，可以話別具意義。