隨心隨意航哥搏甩「吡」

猪拉多纳

師承簡炳墀嘅葉楚航，上季贏完冠軍練馬師，如果捧埋打吡，接師傅棒就更圓滿。
       
隨心隨意

明日舉行嘅香港打吡大賽，咪以為大摩馬房控制大局，對於咁高獎金賽事，其他戰駒又點會唔虎視眈眈？
       
葉楚航

大家都諗盡計仔希望奪取呢個最高榮譽，好似葉廐匹「隨心隨意」就有辦你睇，昨朝韋達、葉楚航兩位冠軍級人馬便為此駒而籌謀，更出現數度密斟鏡頭。
       

約六時許，兩人先在機坪開會，接着騎者出試「隨心隨意」跳三段，航哥當然霸個靚位睇足全程。
       

十五分鐘後，又見二人在烽火台內傾，仲一路行上二樓都未講完，到臨收工約八時半，韋違正想離開之際又被航哥截住嗌番轉頭，話題傾極都唔完，呢鋪真係搏甩「吡」！