華麗登場1200飄移 轉彎賽未甩過Q

猪拉多纳

香港拍賣會620萬名廠出產的「華麗登場」，原來係新任「彎路之王」，呢匹沈集成靚馬，直路賽馬力唔算強，但一跑轉彎就嚟料，兩次田草1200片住入彎出彎非一即二，咬地性能真係誇啦啦，周日再於拿手賽道排頭位，對手等睇車尾燈喇！
       
華麗登場

上季拍賣會成交價達620萬的「華麗登場」，三戰直路賽成績平平，可是兩仗1200米卻取得冠亞各一，轉彎靈活，威力有目共睹，所以今仗於第四場同程續配韋達攻堅，沈集成胸有成竹：「『華麗登場』出戰直路賽三場表現均麻麻，反而兩戰轉彎路程1200米卻非亞即冠，或者直路賽馬匹望空多用氣力，未能貫注到尾。馬兒目前只是三歲，十月起連拚多場，所以上賽後讓牠小休，以免揠苗助長。上次回師勝途，雖然未能對頭馬造成威脅得第二，但走勢令人滿意，可惜賽後不獲加分保持在59分，差一分就可選擇負輕磅跑三班賽，今仗繼續負133磅上陣，無疑有點阻力，不過憑着狀態大勇，一樣可在強項稱霸。」