|
|
踏入季中時分，愈來愈多新馬登場，今日有十隻八隻新馬初上征途，咁啱新勝馬又係有十隻八隻，唔知會係那批新馬一鳴驚人，抑或，新勝馬繼續威威，但講咩都好，一定要諗清楚其中幾匹新勝馬。
今日何良有3匹新勝馬再出，第一場「明威」、第四場「童夢」及第五場「一哥」，本來擺出咁嘅陣式，點都應該唔可以睇輕，但實情又唔係噃。要怪就只怪何廐馬勝完再勝例子罕有，對上1匹已經距今年半有多嘞，如果唔係膽生毛，邊有人會「以身試法」。
贏馬不少難破咒
情況好似孫悟空個緊箍圈一樣，愈係想掙脫，愈係收得緊！喺呢年幾以來，唔通何廐贏馬少，每季至少二三十場頭馬，即係好多機會造就連捷馬，可惜都係衝破唔到像咒語一樣的障礙。
今日何良一次過3匹新勝馬齊齊出場，結果會係點？1隻都贏唔到，係咁意1W，起個孖，贏晒3W，唔會離得開呢4個答案。
賭馬賭到要考膽量，睇吓你夠唔夠薑？！讀者們，自己小心嘞。Jack |
|
金睛卡
发表于 2014-1-5 10:43
变色卡
显身卡