守齋個半月 葉楚航用潘頓有計

猪拉多纳

　　眨眼就到2014年，馬季話咁快跑4個月，目前成績在中游馬房，好似方嘉柏、葉楚航、姚本輝、何良，以佢擁馬量講，贏得十場八場，成績唔算特別，好在仲係季中階段，有排未到7月，有足夠時間慢慢追數。

　　講開葉楚航，呢位上季冠軍練馬師，依家贏得8W，與前領蔡神仙有一大段距離，真係唔易迎頭趕上，不過，凡事冇話冇可能，最緊要有heart，想當日又有人幾多人認為佢可以登上冠軍寶座，唔係靠毅力，邊可以鍊到尾。

　　但爭冠軍係後話，葉最急切要解決係頭馬荒，自從11月3日沙田贏完「香港興旺」，數數已經有個半月冇馬贏，點都要打破缺口，先可以重振聲勢。其實，近期呢個馬房只係欠運，「電訊太子」及「天地福星」都係終點線輸少少，希望佢之後運氣好番。

　　今晚葉擺個強陣，幾匹馬都有贏面，其中有3駒用潘頓，應該係主力搏殺對象，「天地福星」、「奇無極」及「過關勇將」呢3匹馬，要近績有近績，條件唔輸蝕。除此之外，「狄奧圖」一落班改跑中距離，又近番，試準之後轉場用細路哥，匆出點會冇計。

　　Jack