開心飲勝見真章

猪拉多纳

　　明晚跑馬地八場賽事於A欄舉行，今季這條跑道特利貼欄的前置馬，所以揀選的馬匹最好有前速或靚檔，投X時宜加留意。

　　第一口孖T頭關第三場四班1650米，「開心飲勝」轉入蘇偉賢馬房之後，四戰獲冠亞殿各一，而贏馬一役正是於A欄同程取得，該役牠排十二檔可以高速搶埋欄守好位，拉士更力壓其後有馬贏的「火紅人」獲冠，某程度上已經證明牠有進步。

　　上仗「開心飲勝」繼續跑A欄1650米，抽配杜滿萊，唔知點解騎者竟然把賽駒留後，故此，大敗亦不宜作準。今番強配安國倫而來，排五檔唔算太蝕底，如果肯用番前置跑法應可見真章。

　　尾關第四場四班1650米，「綻放美麗」這匹馬速度非常高，上仗可於不利前置的C欄C+3彎跑道放入一席第六，輸給頭馬「威駿寶」三個多馬位，今次轉來利前領的A欄作賽，雖排在十檔，但以其前速必可克服，改配今季大勇的楊明綸可投以信任一票。（洋超）