育成群駒強配惹飛

猪拉多纳

　　今日係國際賽日，好多大馬房擺晒啲惡馬出嚟，睇嚟好難爆得出咩冷門，而陣容最鼎盛嘅，自然係大摩，有好多場嘅大熱門關佢事，睇吓佢係咪贏到開巷先。

　　噚日睇飛，發現有三匹來自大馬房嘅馬有怪飛（見表），周某最鍾意第一場「育成群駒」，事關呢場有超級質新馬「劍飛聲」喺度，佢都夠膽落飛，呢份信心唔係細。話說「育成群駒」呢匹馬在港跑過四場賽事，次次都係冷門身份，最叻只係得第四，所以上仗獨贏仲有16倍係正常事，但唔知係咪因為佢上次追入第五，今次又強配紀仁安嘅關係，呢鋪隔晚竟然曾得8.5倍W，既然有墊底飛，點可以唔捧？騎師王方面，貝湯美來港客串一日，得七匹坐騎亦得3.5倍，值得信賴。

(周仲)