谷日賽捧摩王牌馬

猪拉多纳

　　今日為13/14年馬季唯一的谷草日賽，有些練馬師特別喜歡在此日搏馬，如方嘉柏及葉楚航上季兩次谷草日馬都有馬贏，今季仍要留意。

　　另外，別以為大摩甚少安排旗下馬於跑馬地馬場上陣，谷草日賽就交不出成績，其實這位練馬師於此日搏馬貴精不貴多，而當中出王牌報名的兩駒，通常都有不俗表現，翻查資料，大摩馬房對上兩期谷草日賽共有四匹王牌馬上陣，結果獲得兩冠一亞（見表），今期摩廐為第八場「醒目精伶」及第十場「四季」出王牌報名，捉路要吼實。

　　第十場二班1800米，「四季」今次改配韋達兼增至此程，這位十三屆冠軍騎師上季至今六次騎摩廐馬出爭谷草賽事，四次跑獲獎金，分別取得兩冠一殿及一席第五，可見騎練二人合作出爭谷草手風特別順。另外，韋達的谷草1800米坐騎亦比較穩陣，對上五匹獲三亞一季，而且騎者於今季首個谷草B欄C彎賽日騎六駒上陣，結果取得兩冠兩亞，足證他擅於此跑道搏馬，今次「四季」有此子幫手，有力贏番一仗。(資料組)