大把世界多猛人撐

猪拉多纳

「大把世界」馬主全勝團體成員猛人如雲，除咗馬會前主席陳祖澤、大董周松崗同郭志桁之外，仲有喺商界赫赫有名嘅怡和大班凱瑟克 Ben Keswick 添！講起凱瑟克，佢喺英國養嗰匹「天燈」（Sky Lantern）真係認真巴閉，服役以來四勝一級賽，一千堅尼同太陽戰車錦標呢啲高水準賽事都係佢囊中物，可以話係英國數一數二嘅馬女，12月隨時會嚟香港跑國際賽o架！
       
大把世界

第二場上陣嘅「大把世界」，照秤當然唔係「天燈」嗰皮，不過話晒泥地一哩6次上陣有4次上名，同程實力始終有番咁上下，今期撞正馬主之一郭志桁做監場董事，鬥志更加唔使懷疑，點都值得兼顧。