小葡兵食硬以色列捧讓主

猪拉多纳

新星湧現要騷哥利

今晚U21歐國盃外圍賽第8組賽事足智彩有得玩，葡萄牙U21喺主場對以色列U21，東道主讓一球，熱捧1.85倍「讓球主勝」應該唔會有人鬧你。最近葡萄牙新星再次成為轉會市場搶手貨，最新消息話士砵亭中場威廉卡維奴好快會入「魔」，其他球員聽到仲唔踩行油咩！

（有線155周五凌晨1:15直播）
紅魔睇中威廉卡維奴

葡萄牙U21喺首場分組賽以5:1大炒挪威U21，有份入波嘅士砵亭前鋒比天奴、中場威廉卡維奴、賓菲加翼鋒艾雲卡華尼路，波圖翼鋒列卡度華利拿同費利拿中場沙治奧奧利華拉，全部繼續入選，睇個勢唔似會Hea踢，就算以色列U21喺首場分組賽以7:2炒起阿塞拜疆U21，睇怕都未必頂得住。

仲有呀，繼士砵亭中堅泰亞高艾羅尼上個月被利物浦買入後，據講曼聯都睇中佢前隊友威廉卡維奴，準備喺1月用500萬歐元違約金強行收購呢個21歲防守中場，驚死等多幾個月佢會升值，咁有市場，其他葡萄牙U21球員聽到仲唔恨到雙眼發光？佢哋迎戰以色列U21梗係要贏波騷哥利啦！