姚廐復興難能可貴

猪拉多纳

　　大部分騎師或練馬師，成績總有高低潮，問題是他們沉唔沉得住氣，再絕地反擊，才是關鍵。但又唔係空有鬥志便可以戰勝一切，冇兵喺手的話，話之你係RAMBO，都係冇計。

　　多年以來，見過好多騎練，成績走下坡之後，日子久了，愈做愈冇生氣，又吸納唔到新兵，冇幾耐黯然退役。反而，能夠重新振作，走出谷底嘅例子真係唔多，在這方面，姚本輝可以稱得上係奇葩。

　　曾幾何時，姚本輝馬房運滯得好緊要，一隻又一隻馬被拉走，仲要當中有啲日後成為馬王，好似「靚蝦王」、「牛精福星」，真係面子何在，加上，有一兩季贏馬特別少，聲勢低處未算低。

　　好在姚本輝之後訓練出一匹「蓮華生輝」，而練馬師又大打爭氣波，先至漸漸重新壯大。