累計罰則可行

猪拉多纳

　　王志偉上季尾冇畀小組警告，但再之前兩年有，隔了一季表現未令牌委會滿意，即刻冇得續牌。多少會令人有所聯想，難道潛底線係3次機會？過往紀錄係累積計算，唔會洗牌再嚟過。

　　如果真實情況係咁，另一華將湯智傑（圖）「命不久矣」，因為佢已經連續兩季接信，就算下季倖免，若然再下一季成績唔多好，唔會有機會翻身，畀佢改善成績，事關制度係冇take 2。

　　如果審核制度唔係累計，王志偉唔應該立即冇牌，雖然長期成績在下游，至少上季安然在底線之上，理應抹去再早期被警告的紀錄。其實，如果要玩累計，騎師陣上表現唔理想，更加應該採用呢種累計罰則，令到騎師打醒精神。