櫪木森巴風暴捲起橫濱

猪拉多纳

西甲有個基斯坦奴朗拿度叱咤風雲，日乙最近都有個基斯坦奴達施華搶盡風頭！櫪木SC借得猛將基斯坦奴達施華幫手，近期愈踢愈好，今輪主場對住下游球隊FC橫濱又屆起筷時候，小讓平半合理，用半個博一個，蘇豪捧上盤！

（周日下午3時開賽）

櫪木SC今季成功由奧地利名牌球隊薩爾斯堡借到巴西中場基斯坦奴達施華，呢位哥仔上年仲喺奧地利聯賽入到波，轉戰日乙完全打橫行。經過一段適應期後，佢漸漸成為球隊進攻重心，對上兩場都有士哥，演出非常搶鏡，拍住同鄉保連奴同沙比亞，呢個森巴三重奏都幾犀利，等閒之輩好難頂得住。FC橫濱前線淨係得個大久保哲哉踢得吓，進攻火力只係有限公司，作客出戰惡唔出樣，呢場博上盤。