熱刺爭前4好「大」喜攻

猪拉多纳

偶像碧咸宣布掛靴，小妹真係堅唔捨得，畢竟「萬人迷」碧咸係香港、又或者係小妹黃金時代嘅其中一個記憶，當大家重溫「咸哥」嘅經典場面嗰陣，會唔會諗番當年嘅自己呢？
新特蘭不設防

98年世界盃，碧咸因一時之氣踢施蒙尼被逐，小妹當時仲係一個天真無邪嘅小學生；15年後，「咸爺」榮休，施蒙尼做咗冠軍教頭，而小妹只能隨波逐流，為三餐奔波。15年喇，大家又有咩轉變呢？

英超今晚煞科，熱刺同阿仙奴分途出擊爭來屆歐聯入場券，好睇過戲。形勢上，熱刺要入前4，今仗主場迎戰新特蘭非勝不可，只可惜熱刺雖錄得9場不敗，但當中8仗都有失波，可見條防線勁唔穩陣，成日都靠加里夫巴利、丹普西同艾迪巴約喪攻搭夠，難怪近9戰開足8場大啦！對家新特蘭近6仗入咗7球失10球，典型攻強守弱，今晚兩軍碰頭，隨時繼首循環「黑貓」輸1:2後再演入球騷，熱捧1.46倍大。
Sherry 推介：熱刺（入球大）

短髮造型構思中……

尋日香港有成30度，堅熱到嘔，小妹直情連街都冇心機出，成日都攤咗喺屋企歎冷氣。唔，再咁熱落去都唔係辦法，睇嚟真係要好似3年前咁，剪番個短髮先得喇！

Sherry 曾經有個甲組球員男朋友，回復單身後寄情掟飛鏢運動，偶爾擔任兼職模特兒。近日已重墮愛河，恭喜晒！