費倫盡人事誓炒佩斯卡拉

猪拉多纳

煞科日3哥位仲有懸念

周日意甲煞科，現時冠亞軍及3支降班隊已有定案，只剩低聯賽季軍亦即最後一個歐聯資格留待費倫天拿及AC米蘭爭奪。煞科日費倫天拿作客佩斯卡拉，AC米蘭則作客錫耶納。兩支主隊篤定降班已無心戀戰，相反兩支客隊都有搶分必要。客隊無論爭勝意欲及質素都較主隊高，料可齊齊贏波。

（周一凌晨2時45分開賽）

先講佩斯卡拉主場對費倫天拿，「紫百合」要升上第3名，首個條件就要贏波，再寄望競爭對手AC米蘭失分。其實對手佩斯卡拉已連敗多場，球員已進入自暴自棄階段，唔會向對手作出反擊。只要費倫天拿保持認真態度，好有機會以大比數怒炒對手，中位數開到3.5照捧大盤。
錫耶納散晒 AC有計

同時間舉行仲有錫耶納主場對AC米蘭。雖然AC米蘭領先費倫天拿2分，但因對賽成績AC米蘭唔及費倫天拿咁好，如出現AC米蘭失分及費倫天拿取勝的話，「紫百合」就會升上第3位。微妙形勢令AC米蘭今場絕對唔可以掉以輕心，最好都係保持積極態度狂攻錫耶納，確保攞晒3分。

留意到AC米蘭中前場陣容完整，3大前鋒包括艾沙拉維、巴洛迪利同柏仙尼都冇傷病，入球能力有晒保證。錫耶納近5場全敗，成隊波已經散晒，就算有主場之利都好難頂得住AC攻勢，「讓球客勝」值得捧場。
奧厄贏波即上岸

除英超、意甲、葡超外，德乙及蘇超今晚亦進行煞科戰，德乙三甲及兩個直接降班席位已塵埃落定，今輪焦點係奧厄、特雷斯登邊隊要踢護級附加賽。兩軍同得34分，奧厄得失球差領先8球，只要作客擊敗已篤定降班嘅辛特侯遜便極大機會上岸。蘇超方面，恩華尼斯及聖莊士東爭奪最後一張歐霸盃入場券，恩華尼斯現有1分優勢，只要作客贏踢緊風流波嘅羅斯郡便完成任務。