青出於藍投李一票

猪拉多纳

李易達今季成績唔係咁好，暫時仲係敬陪末席之餘，唔少他投嘅馬仲要喺別人麾下有好表現，都算無癮，不過練馬無非都係想為馬主贏馬交代嘅，有機會佢都會盡力搏。
       
李易達（左）拍楊明綸真正冷門組合。
達哥今季W隻隻冷

好似尋日轉倉初出嘅「青出於藍」，早前仲喺沈集成訓練下取得頭馬，不過據馬主林羨輝所講，由於沈廐有太多質新馬要兼顧，所以就將愛駒交畀李易達試下，達哥接手呢匹狀態咁好嘅馬相當高興，佢話「青出於藍」本身比較單薄，咁啱夠分可以跑四班賽，於是安排升班一試，雖然臨場緊張兼有多少汗濕，但依然後上爆出19倍冷門，保持今季李廐頭馬全部過9倍嘅紀錄。達哥話「青出於藍」仲會有進步，日後增程至千六應更合發揮。