奧格斯堡搵史特加救命

猪拉多纳

肥叔今次重心揀場德甲，奧格斯堡排尾三全力護級，主場對史特加讓波照捧！

（周六晚9時30分開賽）

德甲波喺歐聯威到盡，就算下游球隊踢落都唔曳，隨住拜仁及多蒙特砌低西甲雙雄巴塞同皇馬後，預期嚟緊會吸引更多人注意。奧格斯堡實力有限，季尾護級專揀波踢，主要集中喺主場搏殺，早前對法蘭克福得手，今次鬥史特加情況接近，又係出擊時候。史特加主場三連勝食到飽，今場有得受讓太筍，似係回吐格，要上盤！
史篤城反彈嗒得「諾」

同日英超史篤城主場對諾域治，史篤城下半季沉咗好耐，直到上場喺關鍵決戰砌低昆士柏流浪取得救命三分，但仲未上岸。論實力史篤城絕對可以企穩英超中游，佢哋喺主場出戰惡氣十足，難得季尾及時回勇，今次梗係唔會放過「金絲雀」啦，現時讓緊平半至半球，個盤合理，可以試埋呢隻上盤。

（有線201及301台周六晚10時直播）
肥叔心水

曼城大

奧格斯堡上盤

弗賴堡下盤、大

史篤城上盤

熱刺上盤

畢爾包下盤

杜塞爾多夫下盤、大