卡爾馬真草o趙艾堡

猪拉多纳

今日阿King為大家集中推介瑞典超賽事，其中卡爾馬主場鬥艾夫斯堡，兩支當地實力分子對撼，卡軍雖然實力較次，但球隊有強勁武器剋制對手，就係其真草主場！艾堡主場係人造草場，所以一打真草就蝕章，今次作客讓波當然捧對家！

（周五凌晨1時開賽）

艾堡係上季聯賽冠軍，但本季開局麻麻，三連和仲未贏過，上次作客咸史達斯都贏唔到，明顯仲未入局。艾堡嘅人造草主場，令唔少聯賽勁敵都冇晒符，但去到對手真草球場作賽，戰鬥力就明顯減弱，其中近六次造訪卡爾馬，就輸五場僅和一場，卡爾馬受讓捧讓球主勝。

另一戰諾高平主場鬥希爾星堡，計實力希堡較佳，但佢哋同艾堡一樣未有十足狀態，剛於主場一比二不敵米贊比醜死鬼。諾高平上季兩循環雙殺希堡，平手盤捧得過。最後要埋哥登堡，佢哋主場鬥西里安斯卡，西軍雖有鬥志，但哥登堡今季好正氣，呢場唔止贏一粒，直取讓球主勝。