馬里殘陣難贏盧旺達

猪拉多纳

由2010年9月開始，國際賽日由慣常嘅周六及周三，提前1日到周五及周二舉行，目的係想啲國家隊可以早一日放人，唔影響米飯班主球會運作，但點解世盃非洲區外圍賽並冇依照新安排，繼續喺周六，甚至係周日有比賽呢？畢竟非洲個別國家嘅球場照明設施仍然落伍，根本唔可能喺周五工作日踢夜波，其次係交通始終唔方便，都係留番喺假日比賽較為可行。

今日7場受注嘅非洲區外圍賽，除咗加納外，較有名氣應數到馬里，呢隊應屆非國盃季軍，今晚喺H組要作客盧旺達，級數無疑贏晒，但客W冷到2.12倍，就知係可勝不穩，畢竟佢哋今仗有昆士柏流浪防中森巴迪亞基迪等4將先後因傷退隊，波爾多射手迪亞巴堤等4將又要坐波監，陣容殘到無可再殘。
盧旺達主場有保證

對手盧旺達世界排名雖然低至132位，人腳亦都相當陌生，僅以土炮為骨幹，不過近6次主場出擊先輸過1仗，包括喺去年嘅非國盃附加賽守和冠軍隊尼日利亞，唔難頂住殘陣嘅馬里，受讓撐1.62倍「讓球主勝」。

（開賽時間：周日晚9:30）

非洲區H組