飛腳開入球騷氹粉絲

猪拉多纳

日乙前幾日發生離奇暴力事件，大阪飛腳球迷開波前竟襲擊熊本羅亞素吉祥物，雖然飛腳最後和波得到「懲罰」，不過為咗洗底，今日喺主場招呼千葉市原應該會繼續開「大」騷氹粉絲，1.65倍入球大要追！

（開賽時間：周日下午3:00）

飛腳降班後開季戰績唔理想，日前作客羅亞素嘅不愉快事件，令到日本聯賽會堅嬲，下令飛腳要盡快緝兇，並且作出嚴懲，依家風頭火勢，相信飛腳唔會想再失威。

雖然飛腳嘅日本國腳遠藤保仁同今野泰幸都未歸隊，但李安度蒙迪拉同家長昭博最近先後復出，有足夠火力踩扁對手。另一方面，千葉市原話晒都有踢過大阪櫻花嘅射手愛華頓甘比斯加盟，上季佢未離開日職，都有入過飛腳波，呢場隨時又有斬獲。