雄心主場開胃擦德落

猪拉多纳

今午有場澳職獨腳戲，由墨爾本雄心主場對阿德萊德聯。雄心雖然排喺下游位置，但仍然有機會爭取季後賽資格，爭勝鬥志唔會比對手低，尤其主場賽事表現突出，相信今場好有機會再勝阿德萊德聯，主W開出機會較高。

（周一下午4時30分開賽）

墨爾本雄心今季聯賽8W有7次喺主場取得，可見佢哋係一支好受環境影響嘅球隊，故此毋須對上輪聯賽不敵威靈頓鳳凰太過介意，今次返回墨爾本比賽一定會有更佳演出。留意到雄心喺年初已曾淨勝阿德萊德聯兩球，正面賽果有望增強主隊球員信心，主W1.9倍先揀。
安曼「大」爆發

荷乙方面，周二凌晨有兩場比賽，其中安曼主場對甘堡爾可留意大盤。近期安曼突然大爆發連贏四場，當中入球量亦頗高，預料安曼會繼續保持進取打法，隨時會同甘堡爾合演一場入球騷。同時間舉行仲有FC燕豪芬主場對雲登，細盤係唔錯嘅選擇。FC燕豪芬近幾場聯賽失分之餘，進攻球員亦忘記帶射門鞋，相信今場大手交易可能性唔高。