米禾爾病獅無力搵食

猪拉多纳

獅子慘變貓仔，又點咬得死對手？另一場足總盃八強爆「英冠內訌」，米禾爾主場鬥布力般流浪。米軍外號萬獸之王，個朵就響喇，但中前場傷兵多，中場大腦占士亨利缺陣，射手侯斯亦未必出得，主場三連敗，讓波必捧布力般！

（now 633及660周日晚10時直播）

今仗為08年後，首次冇英超球隊在內嘅足總盃八強賽事，邊隊晉級就可進軍溫布萊踢四強戰。踏入2013年，米禾爾全面跌Watt，由本來聯賽第七跌到依家十五位，最大鑊喺「獅穴」出戰都毫無威勢，近三戰都輸波，其中對手彼德堡同狼隊仲係聯賽尾二、尾三球隊。米軍近期好靠中場占士亨利發辦，上圈對盧頓佢就取得一入球、一助攻，佢受傷缺陣影響極大。
布力般贏卡士

布力般雖有卡森李察士等傷兵，而且同樣三連敗，但梅菲、佐敦洛迪斯等有卡士，貴價中鋒貝斯今場亦復出，受讓值得捧場。