甘美奧強爆卡拉卡斯

猪拉多纳

自由盃H組聽朝有筍盤，巴西代表甘美奧喺主場迎戰委內瑞拉班霸卡拉卡斯，吼實1.62倍「讓球主勝」最實際。甘美奧射手馬些路摩連奴早前被山度士睇中，雖然轉會告吹，不過佢應該明白自己有價有市，對住卡拉卡斯梗要騷哥利。

（開賽時間：周三早上8:30）
馬些路摩連奴要顯身價

原本降班嘅彭美拉斯想簽玻利維亞國腳馬些路摩連奴，點知佢老竇喺記者面前，恥笑人哋大想頭，搞到馬些路摩連奴要公開向彭美拉斯球迷道歉補鑊。過咗冇耐，山度士又話想搵馬些路摩連奴支援尼馬，可惜最後因為外援名額不足放棄收購，但現時距離巴甲開咧仲有時間，相信佢會繼續入波等新老細出現。

雖然甘美奧喺首場分組賽主場以1:2慘負侯治柏度，出線形勢未算明朗，最近又喺州聯賽以1:2不敵國際體育會，不過中場祖斯夫蘇沙承認，輸畀侯治柏度係因為衰輕敵，強調唔會再犯呢種錯誤，所以今場應該有好戲睇。事實上，卡拉卡斯開季前有首席射手阿斯達古艾達轉投南特，但就冇同級數前線球員頂上，好打有限要唔過。

自由盃H組