綫路明星三連霸

猪拉多纳

　　第六場第四班1800米。「綠豆爽」連跑兩場谷草中長途，前仗輸在騎者發力點有誤，唔見得步速慢係元兇。上賽換人轉跑此程，前段搶位夠落力，以及出彎前後又夠積極，結果與前仗大有出入，而跑出時間乃季內第四快，結合其輕鬆姿態，加9分唔算重手。

　　今仗留在四班跑，最強對手數到上場完全冇得鬥嘅「可愛人生」，同場餘下10駒，大多數在此程冇實質賽績支持，相比之下，當銳嘅「綠豆爽」，如負重頂得順，篤定連捷。

　　第七場第三班1650米。「綫路明星」改了走規、脾氣及跑法之後，近3仗在谷草一哩冇W有Q，賽事環境夾唔夾都好，一樣無阻此駒發揮，真真正正進入作戰期，情況一如廐侶「強風駿馬」，在谷草搏極唔識攰。

　　經過之前兩仗連環搏，今次「綫路明星」特登隔1個月始再跑，藉以補充體力，而準備上唔見得疏落，照樣有快跳及大閘配合，希望進度冇跌。講到對手方面，季內除了牠及「蓋世子牙」以外，並無一駒曾勝三班此程，若加磅唔係令能力大跌，有望三連霸。