|
|
法甲頭場直播賽事雷恩主場鬥索察，索察上周爆大冷擊敗巴黎聖日耳門取得護級寶貴三分，球隊上下士氣大振。雷恩大腦阿歷辛迪尼上仗重創提早收咧，加上自去年十一月起，近八場主場賽事從未試過兩連勝，照此攤路，信要搶分護級嘅索察今仗可保不敗，捧「讓球客勝」。
（now 714周日凌晨零時直播）
雷恩上場作客淨吞里爾兩蛋可謂損兵折將，中場主力兼首席射手阿歷辛迪尼膝部重創要提早收咧，呢名新進國腳今季於聯賽射入十球兼貢獻五個助攻，其缺陣嚴重影響前場攻擊力。自從雷恩上年十一月初贏完蘭斯，之後連盃賽在內八場主場從未試過連捷，既然上次贏完圖盧茲，今次失分唔係咩奇事。
索察上周踢出今季代表作，於落後情況下反勝聖日耳門三比二，已攀升至聯賽榜十四位，不過佢哋依家只係領先尾三嘅伊維恩三分，護級仲未可以鬆懈。球隊歇冬後先後擊敗聖日耳門及馬賽兩大勁旅，對球員信心及士氣肯定起到鼓舞作用，面對冇咗進攻核心嘅雷恩有望偷雞成功，波童捧「讓球客勝」。
法甲推介
索察 讓球勝
阿些斯奧 讓球勝
伊維恩 大 |
|
金睛卡
发表于 2013-2-23 11:14
变色卡
显身卡