拉科謝晒 畀皇馬練靶

猪拉多纳

頻繁換帥球員無所適從

今晚西甲上演褪色大戰，昔日勁旅拉科魯尼亞主場迎戰皇家馬德里，前者歷經易帥折騰兼連輸五場，大軍一片愁雲慘霧，相反皇馬幾名冷板鐵膽如卡卡、艾華路莫拉達近期難得落場，都搏到盡交足貨，面對士無鬥志嘅拉科，「讓球客勝」咪錯過。

（now 632周日凌晨3時直播）

儘管拉科今季重返甲組，但由於成績太反覆，歇冬後怒炒升班英雄奧查亞，搵來前布拉加教頭杜明高斯救火，首仗即勇挫馬拉加，以為有運行喇，點知冇耐就打回原形，教咗6場只得1勝1和4負，嬲到劈炮唔撈，惟有改聘前切爾達教練費蘭度華斯基斯，但頭炮作客就輸畀西維爾，近五場輸晒，頻繁易帥令球員無所適從，加上係咁輸波，信心亦跌到落谷底。
皇馬副選落場更肉緊

皇馬下周中西盃4強次回合作客硬撼巴塞，預計教練莫連奴會留力應付呢場大戰，今仗對拉科唔會去盡。話雖如此，莫帥其實呢排喺聯賽都多派一啲後備球員打正選，例如卡卡、艾華路莫拉達、艾辛等，係人都知莫帥一早當卡卡係雞肋，不過巴西中場依然敬業，總之有得落場就搏到盡，前仗對西維爾送出一次助攻，上仗對華歷簡奴亦有份策動艾華路莫拉達嘅入波。

根據統計，卡卡今季只係上陣過517分鐘，加埋唔夠6場波，竟錄得4次助攻及1個士哥，證明佢鬥心十足，今仗對住軍心渙散嘅拉科，又係呢班邊緣球員博上位嘅好機會，贏兩粒可謂最低消費喇。
西甲推介

薩拉戈薩　　細

皇家馬德里　讓球客勝

巴塞隆拿　　半場大