巴迪5.6倍Ｗ爆得

猪拉多纳

費倫巴治個底好花

今晚歐霸盃Macot決定扒冷，吼白俄羅斯球隊巴迪，作客面對問題多多嘅蠱惑波土耳其費倫巴治隨時爆得，2.4倍「讓球客勝」固然係出擊重心，仲可以小注博吓5.6倍巴迪客勝。

（周五凌晨4時05分開賽）

喺Macot眼中，巴迪絕對係一支被嚴重低估嘅球隊，佢哋喺近兩屆歐戰已經一再證明實力正處於飛躍進步期，上屆歐聯分組賽曾經和過AC米蘭，今季更加曾經爆冷贏過里爾同拜仁慕尼黑，實力絕對唔簡單。佢哋首回合主場和費倫巴治0比0，對手魯爾梅利斯開波三分鐘被逐後專注防守，反而令佢哋最擅長嘅反擊一籌莫展，今場去到費倫巴治主場完全唔同講法，雖然話白俄羅斯球季仍處歇冬期，但巴迪一直喺土耳其集訓，熱身賽亦贏過俄超勁旅辛尼特，顯示狀態維持喺高水準。
費倫巴治被罰閉門作賽

費倫巴治個底好花，尤其歐戰輸畀無名弱旅個案多不勝數，前屆歐聯外圍賽已經被弱旅年青人踢出局，上屆更被取消歐戰資格，至於今場主場賽事，亦被歐洲足協判罰閉門作賽，失去狂熱主場球迷支持，佢哋近5場主場賽事只曾一勝，今仗仲陣容不整，除上仗被逐嘅魯爾梅利斯停賽，中場大將安利亦唔符合上陣資格。Macot相信巴迪有權爆冷而回，波膽我估客隊贏3比1。
Macot推介：

巴迪讓球勝★★★★

拿玻里讓球勝★★★

巴迪勝★