神槍手巴利大鬧里昂

猪拉多纳

誓率熱刺作客闖關

歐霸盃三十二強次回合，里昂主場再鬥熱刺，里昂首回合雖然輸一比二，不過表現唔算差，返主場有力強攻收復失地。熱刺向來認真對待歐霸盃，王牌球員加里夫巴利近期腳風順到你唔信，入球大係今場投X首選。

（有線61及201台周五凌晨2時直播）

里昂首回合雖然以一比二落敗，不過戰況未算一面倒，如非加里夫巴利射入兩記妙到毫巔嘅罰球，里昂有權全身而退。計埋首回合賽事，里昂今屆歐霸盃七場賽事場場有波入，而且三場主場分組賽全部贏晒，為收復前失肯定全力搶攻。球隊上周末聯賽作客大勝波爾多四比○，有助提升信心，就算最終未能晉級，要在熱刺身上取得入球應該不難。
近4仗轟6球弗到爆

熱刺近期靠加里夫巴利「單天保至尊」，呢名威爾斯國腳近四仗包辦熱刺所有六個入球，助球隊取得三勝一和，而且丹普西近期推上前線亦有唔錯表現，就算迪科爾繼續養傷，攻力仍有一定保證。領隊保亞斯對歐霸盃有情意結，首回合幾以夫添出戰，擺明有心爭盃，由於佢哋失咗一個作客入球，如果今場輸○比一便會出局，相信球隊唔會踢得太保守，捧入球大啱數。