錫耶納「+1」搵着「素」

猪拉多纳

阿King今次重心推介意甲獨腳戲，錫耶納主場對拉素，力捧受讓嘅錫耶納「讓球主勝」。拉素老牌射手高路斯仍因傷缺陣，而且剛於上周中踢完歐霸盃，未必回到氣。錫耶納靠晒主場搶分護級，國際米蘭到訪都要輸畀佢哋，絕對唔嘢小，錫軍「+1」好路。

（周二凌晨3時45分開賽）
拉素踢完歐霸未回氣

錫耶納排包尾，護級形勢岌岌可危，球隊自知實力有限，作客難發圍，近期開始揀波踢，留待主場先至全力搏殺。近兩次主場分別擊敗森多利亞同國際米蘭，惡到不得了。拉素上周中歐霸盃作客補時逼和慕遜加柏3比3，而且最後20分鐘打少一人，搞到場上球員疲於奔命，匆匆再戰吃不消。

另外，德乙聖保利主場對科隆，聖保利上仗大敗畀下游分子辛特侯遜，球員鬥心欠奉，科隆連續九場聯賽不敗，水準相當平穩，受讓平半要下盤。荷乙甘堡爾聯賽主場勝出率近八成，炒得起魚腩FC燕豪芬，要「讓球主勝」。