阿仙奴留力明益白禮頓

猪拉多纳

足總盃第四圈賽事，由英冠白禮頓主場對阿仙奴。上輪英超阿仙奴就以五比一大勝韋斯咸，好幾位球員表現都極之搶鏡。不過「兵工廠」對於英倫盃賽似乎唔多上心，早前踢聯賽盃就曾經被低組別球隊巴拉福特踢出局。預料今場阿仙奴又會派後生仔落場吸收經驗，戰鬥力肯定大打折扣，讓波就唔抵玩。其實白禮頓質素唔差，度士推介「讓球主勝」。

（now 633及660周六晚11時直播）

白禮頓本月初曾經贏喺足總盃贏過英超球隊紐卡素，當日奧蘭迪喺禁區側身「怪腳」入球更贏得全場掌聲。其實白禮頓能於英冠及足總盃交出好表現，全靠領隊普耶對球員要求高。呢位前車路士球員踢而優則教，令到白禮頓競爭水平提升不少。
白軍2013年未輸過

值得一提，白禮頓自踏入2013年後仍然保持不敗，良好近況亦是球隊利好因素之一。今場度士頗為睇好白禮頓，「讓球主勝」超過2倍值得捧場。阿仙奴今季表現屬近年最差，英聯盃被乙組仔淘汰，固然羞家，上圈足總盃亦要踢重賽，先至淘汰史雲斯，爭盃有心無力。事實上，領隊雲格首要目標都係爭入聯賽前四，參加下屆歐聯，未必太在意本土盃賽，作客更加勢危。