|
|
非國盃小組賽家陣踢到如火如荼，今晚就有衞冕冠軍贊比亞對尼日利亞嘅C組精彩戲碼，雖然今屆非國盃絕大多數賽事都吹「細」風，不過尼日利亞今仗有車仔鋒將域陀摩西斯復出，預料火力會有所提升，一於扒冷敲2.65倍入球大！
（now676台周五晚11:00直播）
今屆分組賽差不多完成一半，睇番之前嘅頭10場分組賽，除咗加納和剛果民主共和國2:2，以及科特迪瓦贏多哥2:1之外，其餘8場都開入球細，但小妹相信兩軍經過首輪賽事熱好身後，今晚會齊齊踢番場大戰。
贊比亞前屆被尼日利亞淘汰
雖然尼日利亞上仗意外遭布基納法索逼和，但佢哋尾段踢少個先失守，都算非戰之罪。據知，尼日利亞足總已經向領隊基舒落咗「柯打」，今仗許勝不許敗，否則隨時炒佢魷魚，難怪前日51歲生日嘅佢都決定延遲慶祝啦！受到咁大壓力，小妹相信「超霸鷹」會全力爭取入波務求全取3分，加上王牌射手域陀摩西斯如無意外可以復出，火力自然更加強勁。
至於上屆冠軍贊比亞，佢哋喺2010年非國盃正係喺8強畀尼日利亞踢出局，今場遇着仇人，為雪恥當然會踢得特別起勁啦！除咗上仗有入波嘅麥蘇馬外，烏德勒支前鋒積及梅倫同樣夠晒「卡士」，趁住「超霸鷹」有守將伊菲岩布斯停賽，有力數多幾粒o架！
非國盃C組 |
|
金睛卡
发表于 2013-1-25 10:32
变色卡
显身卡