韋根推佢落火坑

猪拉多纳

07/05/2012
文： 蘇豪

英超獨腳戲上演護級大戰，布力般流浪主場迎戰韋根，布力般今場贏唔到極大機會要降班，而韋根季尾踢到着晒火，戰鬥力已暴升至勁旅水平，面對任何對手都有本錢贏波，受讓平半好着數，必捧下盤！（有線300及200台周二凌晨3時直播）

布軍近7戰輸6場

布力般流浪目前以31分排尾二，情況危殆，特別係佢哋最後一輪要作客車路士，以布力般今季客場表現，就算車仔留力踢歐聯出晒後備，佢哋都冇贏波把握，若想保住英超席位，今場和都唔掂，一定要贏！不過，布力般近7戰輸6場，只係贏過「風流球隊」諾域治，今場爭勝決心絕對唔使懷疑，但贏波能力實在係一大疑問！


韋根情況截然不同，佢哋季尾愈踢愈醒神，近期先後殺敗曼聯、阿仙奴同紐卡素等前列球隊，一邊搶分護級，一邊左右聯賽冠軍同歐聯席位局勢，上場以4比0狂數銳氣正盛嘅紐卡素，足以反映出佢哋依家個勢有幾勁。

韋根勁弗受讓嗒糖

以韋根近仗表現嚟睇，佢哋絕對具備英超中上游球隊戰鬥力，前線淨計一個域陀摩西斯都夠晒惡，目前佢哋得37分仲未上岸，今仗夫添出擊，相信唔會坐以待斃！


韋根近5次作客布力般全敗，往績輸蝕，但今時唔同往日，布力般喺冇料教頭堅恩帶領下攻守俱弱，根本唔值得留喺英超，今場讓波信唔過，一於撐韋根下盤。

猪拉多纳