PSG爭標志在客W

猪拉多纳

06/05/2012
文： 查理阿蛋

法甲剩番3輪，榜首嘅蒙彼利埃上仗失分後只係領先巴黎聖日耳門（PSG）3分，冠軍誰屬仲係未知數。PSG今晚造訪華倫西恩斯，雖然小妹睇好佢哋可以贏波，但考慮到呢班友今季作客成績唔算太標青，要贏兩粒博「讓球客勝」似有難度，都係穩陣啲玩1.72倍客勝算數！（開賽時間：周一凌晨3：15）

中場利尼專恰對手

自安察洛堤領軍以嚟，PSG表現尚算不過不失，仍然有力爭逐法甲錦標，但其實呢支法甲豪門喺「肥安」麾下，8場作客波只贏過2場咁大把，今晚小妹真係搵唔到佢哋可以大勝嘅理由。


之不過，適逢華倫西恩斯愈踢愈頹，近排4戰錄得3負，加上PSG可以話係佢哋嘅剋星，近4次對賽不敗兼有3仗贏波，而巴西中場利尼又喺呢4場波攞到3球進帳，PSG想喺今場波小勝坐一日榜首應該冇問題。

華倫西恩斯踢風流波

至於排12位嘅華倫西恩斯已經有40分喺手，護級壓力唔算好大，今場未必會去到盡博反底。好彩佢哋主場17戰10勝，尚算硬淨，今晚對住巴黎聖日耳門，照計就算輸都未至於大敗，寧願留番啖氣喺同級球隊身上搶分仲好喇！