保頓贏戰意值得秤先

猪拉多纳

06/05/2012
文： Katie

熱狗退役，唔少巴迷都把握機會，見多冇冷氣嘅巴士幾面。早排Katie等緊車，發現其中一個站水洩不通，部分上唔到熱狗嘅人仲爆粗兼拍打車身，呢種行為Katie就唔多認同！Katie出名念舊，好似英超隊保頓咁，當年小妹開始睇波，保頓已經季季畀人睇死，偏偏就次次護級成功，今季保頓又要護級，小妹好希望佢哋可以逃出生天，今晚主場對住西布朗正係搶分良機。


睇牌面西布朗係秤先，不過領隊鶴臣帶埋呢兩場就鬆人教英格蘭，班波又上岸，鬥心成疑。季尾波戰意始終最緊要，保頓好在老將奇雲戴維斯腳風順番，李青龍又喺預備組復出，保頓似乎否極泰來，主W有得諗！


外國長大，半個鬼妹仔，自細因爸爸成日帶朋友返屋企睇波而愛上足球，鍾意睇靚仔但唔會盲目追捧，最緊要係好波。

Katie推介

保頓（主勝）