|
雖然韋達啱啱喺沙田日賽輸咗匹1.4倍嘅「首飾孖寶」,但「粉絲」們一於少理,今晚照舊捧佢啲坐騎,又睇吓佢今晚表現點樣。
今晚第六場義勇軍盃1800米,通常長途賽都亂到不得了,最好揀返啲怪飛馬,我就推介「駕翠」。話說呢匹馬來港後跑過七場,連獎金名次都冇,講真,佢今季差唔多試晒咁多個場地,班次又一跌再跌,終於喺上仗四班谷草1650米叫輸近啲,可能因為佢係後上,嗰場三甲又包括「新力多」同「超級精神」,所以惹來相當飛數,由上仗99倍變到今仗13倍,難得嘅係,「駕翠」今次要增程兼升班,難關重重照樣惹飛,信一注搵陣。
梁家俊騎師王有票
騎師王方面,梁家俊開飛雖然冷到震,有30倍,但能夠喺短短時間落到22倍,唔多似講笑,一於吼佢。
周仲
|
|