踴躍派馬參戰 薛達志攻勢又泥

猪拉多纳

　　今日有6場泥地賽事，薛達志在其中5場有派馬出賽，的確夠踴躍，或者因為今季田泥成績好，所以，驅使佢咁熱心。事實上，薛廐今季泥地嘅成績，暫時係各練馬師之冠，累積4冠3亞3季，上名率達71%，而百分比同樣係各廐之中最高，大有「泥王」之名！

　　今次佢喺幾場泥地賽，唔只派馬上陣咁簡單，部分仲係幾有實力，相信有機會show「哥厘」。當中一對王牌馬「兵奇臨」和「新強勁」，以及「聚豪精英」，大可睇高一線。

　　「兵奇臨」前仗贏同程，上賽大幅縮程，轉戰1200米，居然憑後勁入P，話佢依家喺大勇時期，真係冇乜錯，呢場回到一哩，爭勝機會自然提高。而「新強勁」更加係老來嬌，自從轉到此廐後，未試過跑泥地唔上名，已累積1W3Q，練者出擊手法明刀明槍，今仗又跑泥地，表明有心爭取頭馬，如重磅非影響過大，可望贏馬。

　　另外，「聚豪精英」屬於穩打穩紮之馬，評分上升空間可能已不大，勝在陣中常常交出一段不俗的後勁，總能在直路有追勢，所以，隔了1場谷草外檔落敗賽績，隨時又返嚟。　

Jack