|
|
由於方嘉柏係多產馬房，旗下賽駒通常有馬贏，不論老中青三代，喺一季裏面冇交代嘅，反而唔多，「喜寶寶」算係少見例子，上季唔單只贏唔到，仲跑足8場連位置都冇！
「喜寶寶」6歲，唔喺盛年，但冇理由退步得咁快，前季仲可以喺三班評62分贏馬，到咗上季喺三班又好，喺四班都好，陣上卻是一輸再輸，兼且係經常性大敗，輸十個八個身位視作等閒。
如果睇番此馬傷患紀錄，曾經試過賽後氣管有血，又曾因不良於行退出，出賽時間表受過影響，咁就可能解釋到上季苦戰無功嘅主因。
正正因為上季經常跑得差，評分不斷滑落，至此差唔多減到去四班底分，差不多比前季贏馬時相距廿分，真係減凸晒。此駒一旦好番，四班可予取予攜。
Jack
|
|
金睛卡
发表于 2011-8-4 06:31
变色卡
显身卡