|
|
嚟到季尾煞科賽，到底大摩同告東尼邊個贏得練馬師冠軍？大家都會關注，或者投X時更側重佢哋啲馬，但事實上，隔晚飛數話畀我哋知，阿東只得第四場「進攻足球」曾成為一面倒大熱門，至於阿摩，就係七場「勝利之星」熱得夠徹底，會唔會係和氣收場嘅先兆？如果係，投X時不妨小心。
第四場四班1600米，「進攻足球」睇飛好似贏梗咁，其實除咗佢之外，「馬主精英」飛數變動都好勁。呢匹馬今季五戰，最後賠率都係99倍，噚日捧場客終於睬番佢，W開飛一度得6.4倍。呢匹馬上仗排十三檔跑第六，見番追勁，狀態返咗嚟，落四班真係着數，不妨用佢搭「進攻足球」。
馬偉昌騎師王值博
騎師王方面，四位騎師喺賠率上明顯熱啲，佢哋分別係韋達、柏寶、白德民及吳嘉晉，但由於冇邊一位熱得透，可能冇個穩陣，與其係咁，不如試吓13倍嘅馬偉昌，一來佢下季冇續牌，最後一戰必有戰意；二來有「進攻足球」同「甜橙」等實力馬，值得一捧。
周仲
|
|
金睛卡
发表于 2011-7-10 13:32
变色卡
显身卡