|
|
自從蔡約翰嚟咗香港之後，邊個想贏練馬師冠軍，真係要問過佢？！唔係話重洋輕華，或者外國月亮特別圓，強如盃王大摩，或本地大哥大告東尼，唔經唔覺，有好多年冇做過冠軍。前者自從95年之後，一再與寶座擦身而過，一轉眼十幾年 ！ 後者「守齋」係冇咁耐，但05年後未嘗冠軍滋味，相隔日子亦唔短。
好嘞，到咗今季，二人撇得甩蔡神仙，但講笑咁講，除非蔡廐馬今日分布喺7場，有本事贏到9W，唔係就一定唔輪到佢。至於摩東之爭，如果今日大摩贏到兩W，而後者冇進帳，因數埋二三名關係，就會係摩廐做冠軍。
睇牌面，大摩贏晒，事關今日東廐嘅上陣馬，冇邊匹係上風！但告東尼會唔會就咁束手就擒，真係冇理由，所以，佢啲馬係咪表面睇咁「脆弱」，未必囉，真係要小心呢個倉那批半冷分子！
依據阿Jack喜好去揀，摩東兩廐上陣馬之中，「進攻足球」及「醒目精英」應該好有誠意，前駒註定谷草冇運行，繼續集中火力跑田草，未交代，唔會留嚟等下季。後駒贏完唔唞暑，1/7跑完，今日又跑，咁密博攞勤工獎呀？背後原因都係想幫手爭冠軍囉。
Jack
|
|
金睛卡
发表于 2011-7-10 13:20
变色卡
显身卡