|
|
第六場「好食德」上年十月已開操，單係大閘都試五次，做足準備，照計首戰會成為熱門先啱，點知臨場卻愈賣愈好分，最後竟然有9倍開跑，明顯未動食指，落敗毋須介意，而且牠該役能於沿途三叠下敗不脫節，反而見其質素。上仗唔跑1200改攻1400米，就算十檔起步一樣重飛照落，戰意唔同果然格外醒神，起步已應聲彈出，之後韋達騎多幾步，決心埋欄跟前，結果不負所望順利放出，加上該役步速唔快，對手唔勁，此駒愈放愈順，終於一放掄元。
此仗最吸引的，莫過於末段跑出22.98，對於快放馬來說極之少見，蔡廐新馬一經開竅，有權贏到唔信，今次仍可留於四班上陣，放心追捧。
高分貝有分在手
第五場「高分貝」過往多數於黏地才有好表現，今季卻不論場地狀況及同場對手如何，一樣追得勁，可見正值勇境。且看牠最近十戰，只有一戰不入前四名，共取得一冠四亞一季，前仗用到柏寶，巧遇快步速，加上發力點恰到好處，終於取得今季首捷，而且還贏夠兩個馬位。
此駒表現出色又夠準，照計上仗賠率應該熱先啱，結果卻冷到11倍，跑落麻麻乃意料中事，雖然戰意平淡，但仍可於慢步速及蝕位甚多下，跑獲第四名，反映此駒其實尚有分在手，今次唔報跑強項1600米，增程至1800米，應跟呂健威認定其氣量比前充沛有關，值得信任。
Sam
|
|
金睛卡
发表于 2011-7-9 12:09
变色卡
显身卡