朝早有動靜：沈集成實威陽

猪拉多纳

　　周日乃沙田煞科賽日，昨朝進行排位，沈集成與賴維銘上周五攜手合作勝出「白蹄烏」，昨朝仍見二人傾得相當投契，似乎又有計仔。

　　沈廐參戰馬中，頭場「威陽」往大圈前，騎練早已移往機坪欄邊，一面觀察馬兒踱步熱身，一面等候出試。期間成哥不斷向賴維銘交帶一切，接着才轉由此子上馬考驗，動態十分對辦，看來決心救馬，值得多加留神。

大摩肉緊醒目精英

　　另外，大摩馬房亦屬焦點人馬，除了練者整朝金睛火眼睇實戰馬，主帥白德民及副帥勞愛德亦非常落力仄馬，動靜多多，總言之，季內最後一個賽日，摩家軍絕對來者不善，要優先留意。

　　當中較具瞄頭的是「醒目精英」，此匹質新馬由主帥策騎往千八米草地快跳，大摩父子親自陪同往起步點，人馬試完，又返機坪問及馬兒狀況，期間不斷指手劃腳，單睇動態，可判斷此駒應屬搏殺主力，盯緊為妙。

　　列陣第九場三班1400米的「醒目精英」，來港出賽六次，共取得兩冠兩亞一季，當中一次冇三甲只因甩腳踏，可見實力過人。今次匆匆出王牌報名，添食決心明顯。

韋柏