高清睇跑馬：多益善升班仲好跑

港陌

　　「多益善」今季首度在港上陣，初出於谷草1200米排十檔跑第四，接戰易配韋達跑谷草1000米，捧成大熱門之下僅得第五；再出續跑同程兼韋達唔放手，結果追回一席第三，頭二馬「紅衣叻叻」及「軍刀」之後繼續有表現，可見「多益善」雖敗猶榮。

　　前仗「多益善」於總場次539改配柏寶及轉戰田草，可惜輸畀跑出今季直路賽第二快時間的「延續美麗」得第二；上仗於總場次594回師谷草 1000米，太遲撻着下追不過「金紫荊」又得亞軍，既然至今每戰負重磅均有好表現，可見牠質素極高，這次升上二班負輕磅好跑，四歲當打馬可放心追捧。

Sam