卡城2倍上盤唔係搵丁

港陌

17/05/2011
文： 牛奶仔

英冠升班附加賽今晚繼續上演，經過首回合悶和後，卡迪夫城今晚回師主場同雷丁決一生死，今次「藍鳥」有主場之利，加上射手比拿美有望趕及傷愈，讓平半有2倍嘅上盤值博。（now638台周三凌晨2:45直播）


雷丁3線缺主將


其實首回合雙方都踢得相當進取，可惜連番攻門都入唔到波搞到最後0:0和局收場。卡迪夫城能夠喺作客劣勢下全身而退，今次返到主場定必以贏波為目標，賽前「藍鳥」陣營就傳出好消息，上場踢咗17分鐘就負傷離場嘅曼城借將比拿美，有望喺今仗趕及復出，大大增添主隊入波本錢。




雷丁上場放生「藍鳥」，今次嚟到威爾斯要贏波相信唔易，雷丁今場仲有占美基比同笠臣簡奴兩名中前場主力因傷未必踢得，後衞沙恩甘明斯又要繼續抖，前中後都冇咁一名主將。再睇埋兩軍近6次交手，雷丁一次都未贏過，佢哋仲只喺5年前試過作客贏過卡迪夫城一次，今次輸埋地利同人和，睇怕都係難逃厄運啦。