馬場紅綠燈

魑魅魍魉

無雙小子四班惡

　　第五場「無雙小子」以往跑過十一次四班賽得一冠五亞兩季，難怪上仗配柏寶跑四班1800米時備受力捧，可惜鞍上人似乎心急跟前咗，結果終點前馬匹力弱僅跑第五；這次柏寶放棄「奪錶」而續策「無雙小子」跑同程，隨時可重開勝門。

健少

姚本輝繼續進取

　　今日焦點之一短途錦標，姚本輝派鎮倉寶「蓮華生輝」上陣，估計會有其他廐侶配合，睇好第九場「進取」可贏馬。牠轉投姚廐後已三連勝，但上場跑1600米得第三，末段造22.1秒仲快過頭馬「逸逸友福」，證明仍有分在手，可突擊。

阿光

駿盈排內檔醒神

　　第二場「駿盈」初配岳禮華，夾唔夾要跑過至知，但抽得一檔起步就實啱發揮，事關呢隻馬喺香港所得嘅1W4P中，有1冠1亞2季排三檔或以內獲得，明顯貼欄跑可以跑高好多。既然伍碧權距離上岸唔遠，「駿盈」又久未贏馬交代，必拼。

王其