|
|
今日係冠軍一哩賽日，明星馬紛紛出嚟威，隔夜賠率方面，佢哋當然多「粉絲」，惟獨「締造美麗」噚日下晝信心飛唔太夠，要小心啲。至於怪飛馬，第六場「陽光王子」個W有料到，一點鐘嗰陣13倍。呢隻馬出賽四次，最熱係初出嗰鋪，可能因為佢同父馬係三班都有馬贏嘅「時時攞彩」，所以有人覺得佢一出就食得都未定，最終賣到17倍，誰知跑落先發現唔對路，再出即刻冷到26倍，馬亦未進步，繼續做「十一哥」。自此大家都唔睬佢，其後兩仗熱力散晒，枕住99倍。
竄勁吸引有人撐
直至昨午，「陽光王子」再次有飛，當然，你可以話啲重心馬未有飛啫，唔關事，但點解要落喺排十三檔嘅馬度呢？不得不諗吓，筆者認為應該同佢上場表現有關，嗰場佢起步四足滯立脫晒節，但拉士爆段22.57秒跑第八，只輸五個馬位，爆發力引人注目，既然有飛不妨信佢。
騎師王方面，柏寶與韋達分別係1.7及2.85倍，雙雙拋離其他對手，以馬論馬，前者明顯好啲，捧佢。
周仲 |
|
金睛卡
发表于 2011-4-25 10:59
变色卡
显身卡