朝早有動靜：葉楚航實漸信良駒

魑魅魍魉

　　昨晨最後試跑，各路人馬忙於備戰，動靜最積極首推葉楚航馬房，大部分參戰馬均由大師傅考驗，包括韋達、柏寶、鄭雨滇及普萊西等，認真大陣仗，看來這個華籍大倉口明晚谷戰有所圖，此次賽事，葉廐共派遣七駒上陣，其中不乏實力馬，應有王者興。

　　首要留意的是「漸信良駒」，昨早韋達到場後第一匹便試此駒，大馬單跳三段，走來輕快自然，勝後保持佳態。昨晨五點半左右人馬出大圈，只見葉楚航金睛火眼睇到實，至七時許，又見練者再與韋達會合密斟一番。

　　韋達今賽為葉廐「漸信良駒」及「橫亨」執韁，昨課先操前駒，其後才試「橫亨」，觀動靜「漸信良駒」料是搏殺目標之一，明晚再跑贏馬途程，排三檔形勢有利，有力再下一城。

鄭俊偉勞愛德又有手影

　　此外，剛戰憑「逸逸友福」增添頭馬的鄭俊偉，昨朝先後與勞愛德及馬偉昌在機坪交頭接耳，尤其是與前者傾到雞啄唔斷，又有搏殺手影，今次賽事，騎練合作之馬有「神勇馬車」及「旋風魅力」，臨場若有風吹草動，多加留意為妙。

韋柏