馬主論戰

魑魅魍魉

家樂飛有分在手

　　打吡日普萊西客串冇表現，今日重臨我睇好佢有馬贏，最啱心水係第六場「雪米糍」，前仗跑1400米，慢閘都後上跑第三， 已經露過一手，今次初戴眼罩上陣，點睇都唔似陪跑格局。另外推介尾場「家樂飛」， 上場單跑一條直路掃晒，擺明仲有好多分響手，賀賢差一W就贏夠13場，鬥志肯定十足十，繼續由柏寶操刀應該穩食尾胡。

張敬山

告東尼延續美麗

　　剛啱告東尼憑「稻庭烏冬」、「成就美麗」同「朝東精英」中三元，唔經唔覺今季已經贏咗44場頭馬，只係落後大摩4W，相信今屆冠軍之爭仍然有好多變數。今日東廐都有實力馬在陣，隨時又有頭馬見面，最鍾意第四場「延續美麗」，轉東廐後跑三場全部上名，睇得出台前幕後都好恨贏， 今次落番四班跑，對手大幅減弱，應該係時候出頭。

任達華

鄭雨滇搏殺手風順

　　鄭雨滇剛戰憑「大把在手」同「萬能駒」包辦一口孖寶，搏殺手風好順，今日一於吼實佢手馬。推介第九場「手風順」，上仗在港第二次出賽，已可力迫「富貴金龍」， 今次兩駒又同場，負磅差距大咗，話唔定可反先。另外鍾意第七場「田園名駒」，上場贏谷草姿態夠晒輕鬆，依家個分一定有着數，大步馬冇理由轉跑沙田唔掂，隨時再贏。

寇鴻萍、梁廷鏘