雷勁論戰：中國好 遇弱旅開齋

港陌

　　踏入兔年，杜利萊搏殺手風大順，年初一即憑「電光能源」揚威杜拜，其後又策「點心」捧走主席短途獎，剛戰亦憑「好好彩」再添進帳。昨日收操後，杜利萊分別要到兩個倉口睇馬。騎者先到華廐睇「中國好」，檢閱馬匹後對其狀態大感滿意，並落實替此駒執韁。其後杜利萊轉到姚廐睇馬，練者把「寶成智星」及「愛睦善」兩駒交由他操刀，應有王者在其中。

　　昨朝收操之後，杜利萊即到梁定華馬房睇「中國好」。此駒在上仗在直路賽力拼僅敗，以短頭位不敵「一定爆」得第二，輸得有點不值。今次再上征途，由於都爾已請假返英國養病，所以要另覓好手代勞，而此駒馬主則屬意聘杜利萊執韁。

　　杜利萊入倉後，梁定華即安排他睇賽事影帶，並向其講解「中國好」的特性，而此駒更於地堂走兩步，讓杜利萊觀察其狀態，馬匹走來有火有力，狀態保持甚佳，騎者睇過後深感滿意，並落實替此駒效力。「中國好」在港16戰仍未出頭，但季內四戰谷草1200米得一季一殿，明顯路合發揮，今次出爭條件賽對手弱，可望打開勝門。

　　離開華廐後，杜利萊便到姚廐睇馬，今戰馬房把「寶成智星」及「愛睦善」兩駒交由他操刀。入倉後，廐主即安排上述兩駒由助手策騎在地堂踱步，好讓騎者觀看馬匹神態，杜利萊睇馬後更與姚本輝一同檢查馬身及馬腳，擺明高度重視。「寶成智星」上仗在田草1200米贏得出色；「愛睦善」近期亦連番入位，今番齊齊乘勇再來，均有爭雄之力。

　　另外，徐廐亦有多駒報名參戰，昨晨練者更特邀紀仁安及其經理人一同入倉睇「清新空氣」。此駒已卜定由紀仁安策騎，昨晨騎練一同入倉研究作戰策略，下午馬房更安排此駒在馬房內行機，給牠足夠的運動量，望以最佳狀態迎戰。其餘「中華寶寶」及「幻想家」則會交由韋達執韁，昨晨韋達亦有到徐廐睇馬，看來馬房今戰會大舉出擊。