苗禮德：幸運來大把世界

猪拉多纳

尋日兔年賀歲賽，順利開出紅盤之餘，仲有唔少處女馬以大熱門身份開齋，好似「夢想家」、「財運」同埋「幸運來」，後駒仲要轉入苗廐第二鋪即贏，省靚馬房招牌。
       
接手第二鋪即省招牌

講開呢隻「幸運來」，上鋪轉倉初出跑谷草一哩已經有心搏殺，可惜抽11檔後上不及跑第三，今次跑番千四捧到3.1倍大熱門，卒之打破處女身。賽後阿苗話「幸運來」上次唔係慢閘，早已贏馬交代，今次可能馬偉昌心急少少，結果隻馬出頭早咗少少，末段先至有少少力弱。阿苗話「幸運來」今次孭重磅都贏，難度很高，升返四班孭輕磅，應該仲有兩場頭馬喺手，同埋隻馬依家先識咩係競賽，前途無可限量。